Në Komunën e Skenderajt është duke u mbajtur testi i arritshmërisë për klasët e IX-ta.
Në një vizitë që i’u bëri Kryetari i Skenderajt, Bekim Jashari, së bashku me Drejtorin e Arsimit, Bekim Latifi, i uroi suksese nxënësve që i’u janë nënshtruar testit të arritshmërisë.
Testi i Arritshmërisë në nivel vendi për nxënësit e klasave të nënta (IX), organizohet nga Ministria e Arsimit Shkencës dhe Teknologjisë, në bashkëpunim me Drejtorinë Komunale të Arsimit.
Nga komuna e Skënderajt këtij testi i’u nënshtruan rreth 853 nxënës, nga 23 shkolla.
Drejtoria Komunale e Arsimit në Skënderaj, ka marrë të gjitha masat e nevojshme për një proces të drejtë të vlerësimit, duke organizuar testin në 5 qendra të testimit si dhe ka krijuar kushte të përshtatshme për mbarëvajtje të suksesshme të këtij procesi.
Testin e administruan mësimdhënësit e ciklit fillor (1-5) të shkollave të Komunës së Skenderajt, të cilët me përgjegjësi kanë monitoruar në mënyrë që çdo gjë të rrjedh sipas planit dinamik të MASHT-it.
v
