Këshilltari i Ministrit të Arsimit, Valmir Gashi ka bërë të ditur se menjëherë pas marrjes së informatave për qarkullim online të testit të arritshmërisë, ka pasur takim në ministri dhe rasti është raportuar në Policinë e Kosovës.
“Ne fillimisht e kemi mbajtur një takim në ministri, me departamentin përkatës dhe pas atij takimi, drejtori i departamentit të arsimit parauniversitar i është drejtuar policisë dhe policia tash i merr masat. Ne i kemi marrë masat me atë që e kemi pa, mbetet të shihet. Vetë fakti që ishte aktiv gjatë gjithë kohës dhe nxënësit postonin testin, gjasat janë që është i njëjti. Testet janë në terren të gjitha”, ka thënë Gashi, për Kallxo.com
Por, sot nuk ishte hera e parë që u tentua të kopjohet nëpër rrjete sociale.
Tashmë është shndërruar në traditë për ata që i nënshtrohen, e sfidë për institucione.
Nxënësit e klasave të nënta që sot janë duke iu nënshtruar testit të arritshmërisë, menjëherë kanë kërkuar ndihmë në kohë reale nga rrjetet sociale për pyetet e testit.
Testimi për semimaturantët ka filluar në ora 10:00 ku janë dike iu nënshtruar 26 mijë e 949 nxënës në gjithë Kosovën.
