Manjati i minierave, Patrice Motsepe i ka paguar Barcelonës plot 3milionë euro për të bërë një udhëtim një-ditor drejt Afrikës së Jugut për tu ndeshur me Mamelodi Sundoëwns në ”FNB Stadium” të mërkurën mbrëma, raporton ”The Times.”
Kjo shifër u zbulua nga shtypi spanjoll dhe u soll në pah nga ”Times”, me raportet nga Spanja që potencuan se kjo shifër u ofrua jashtë kostove të fluturimit në biznes klas për 21 lojtarët dhe pjesën tjetër të stafit.
Kostoja e udhëtimit drejt Afrikës së Jugut ka qenë subjekt i vazhdueshëm i spekulimeve në ditët e fundit me shumë që raportuan se Motsepe ka paguar një shumë astronomike për t’i sjellur katalunasit në vend.
Superylli argjentinas, Lionel Messi ka udhëtuar me skuadrën, pavarësisht se shumë dyshuan nëse ai do të jetë pjesë e kontigjentit.
Dyshimet u intensifikuan edhe më shumë pasi Messi pësoi një shqetësim me lëndim të martën, por prapë udhëtoi me skuadrën për në Johannesburg të mërkurën.
Thuhet se ai nuk u stërvit me grupin në qendrën stërvitore para nisjes, sipas ”El Mundo.”
Trajneri, Ernesto Valverde tha se ai nuk dëshiron të ndërmarrë ndonjë rrezik me lojtarët para Kupës së Botës në Rusi, por udhëtojë me skuadrën më të fortë pasi kjo ishte përfshirë në kontratën e ndeshjes kundër Sundowns.
Barca, pas ndeshjes, do të rikthehet në vend me fluturimin e mesnatës dhe pritet të mbërrijë në Spanjë të enjten në mëngjes. //FutbollFanatik//
