Festim Lalaj quhet 32-vjeçari shqiptar lindur në Frataj të Fierit, i cili humbi jetën tragjikisht ditën e sotme në një fushë të Patras, Greqi.
Sipas mediave greke, aksidenti ndodhi rreth orës 11:00 të mëngjesit të sotëm në një fermë në Sagaika Akai.
Shqiptari ishte duke punuar tokën në një fermë në Sagaika Akai kur hasi probleme me frezën e zetorit, pasi kishte dalë jashtë funksionit.
Ai zbriti për ta rregulluar dhe në atë moment freza nisi të lëvizte dhe e la me plagë të rënda në pjesën e barkut.
Lalaj kishte pësuar dëmtime të mëdha pësuan edhe në organet e brendshme.
32-vjeçari kishte shkuar në shtetin fqinj që në moshë të hershme dhe punonte në fusha me zetor.
Vetëm 2 muaj më parë kishte vizituar të afërmit në fshatin Corrush të Mallakastrës.
I quajtur shkurt Xhimi nga familja dhe të afërmit, ai la pas 2 vajza binjake të moshës 6 vjeç.
Viktima u transportua me urgjencë në qendrën shëndetësore Kato Akai, në Patra, por pavarësisht përpjekjeve të mjekëve nuk mundi t’u shpëtojë plagëve të marra nga freza./ JOQ
