Sot, Kryetari i Skenderajt, z. Bekim Jashari, së bashku me nënkryetarin, z. Nuredin Lushtaku, kryesuesen e kuvendit komunal, znj. Fatbardha Haliti dhe Drejtorët e Drejtorive, ku i pranishëm ishte edhe deputeti i Republikës së Kosovës, z. Bekim Haxhiu, si dhe të ftuar ishin edhe asamblistët që përfaqësojnë këtë fshat, ku prej tyre ishte i pranishëm asamblisti, Agron Kajtazi, kanë takuar banorët e fshatit Syriganë.
Këto takime kanë qëllim, informimin për projektet që do të zhvillohen gjatë vitit 2018 si dhe sfidat, shqetësimet, problemet dhe vështirësitë që ballafaqohen qytetarët.
Kjo iniciativë e Kryetarit Jashari e cila ishte edhe premtim i tij, është duke u mirëpritur mjaft shumë nga qytetarët dhe këto takime do të vazhdojnë edhe në të ardhmen, thuhet në një njoftim të komunës së Skenderajt të cilin e transmeton Drenica Press
