Zhytësi i njohur kosovar, Ismail Kasumi, e ka gjetur njërin prej trupave të dy policëve të zhdukur ditën e së shtunës, pas një aksidenti ku kanë rënë në lumen Lepenc.
FSK konfimroi se trupi i gjetur është i Malsor Dashit.
Në operacionin e kërkimit kanë marr pjesë zhytësi i njohur Ismail Kasumi bashkë me djalin e tij si dhe hoxhën e fshatit të Komunës së Kaçanikut, Florim Neziraj.
“Po, ne e kemi nxjerrin bashkë me ekipin e Ismail Kasumit dhe djalin e tij. Me uniformë të shqyer. Të njëjtën kohë kanë ardhur edhe FSK, FIT dhe na kanë ndihmuar. Kurse prej të parëve që jemi ofru. Te ura e Laqve. Në përfundim tash po vazhdojmë të kërkojmë. Trupin ja kemi dorëzuar policisë “, tha hoxha.
Ndërsa, zëdhënësi i Policisë për rajonin e Ferizajt, Agim Gashi, ka thënë trupi është gjetur në 5 km prej vendit ku ka ndodhur aksidenti.
Gashi ka treguar se trupi është gjetur rreth orës 15:45 në një mision të përbashkët edhe me zjarrfikësit.
Kujtojmë se për pesë ditë rresht, policia, Forca e Sigurisë së Kosovës dhe mekanizmat tjerë për emergjenca kanë vazhduar kërkimet për dy policët e zhdukur pas aksidentit me veturën zyrtare në magjistralen Hani i Elezit – Kaçanik.
