Një person 30-vjeçar është vrarë me armë zjarri, të mërkurën rreth orës 17.45 në Mulhouse. Autori i krimit është në arrati.
Janë fqinjët ata të cilët e kanë dhënë alarmin. Mbrëmjen e së mërkurës, më 25 prill të këtij viti, në një ndërtesë të vogël banimi në rrugën “Rue des Juifs”, në lagjen Dornach në Mulhouse, janë dëgjuar të shtëna armësh, shkruan “France Bleu”, përcjell Albinfo.ch.
Bëhet e ditur se me këtë rast është vrarë një person rreth të tridhjetave. Hetimet policore kanë filluar menjëherë. Autori i krimit, një person 35-vjeçar është ende në arrati dhe i kërkuar nga policia deri në këto çaste.
Viktima është një kosovar, banues i ndërtesës në fjalë, ndërsa kufoma e tij është gjetur në oborr.
Dyshohet se ai është vrarë nga fqinji i tij nga kati i tretë, për shkak të zhurmës së madhe që po bënte.
Gjatë kësaj, vrasësi i dyshuar ka përdorur një pushkë.
- Advertisement -
