Drenica nuk ka arritur të kualifikohet në finale të Digitalb Kupës së Kosovës në futboll, pasi sot barazoi 0:0 në Gjakovë me Vëllaznimin, ndërsa në Skenderaj skuadrat patën barazuar 1:1.
Trajneri i Drenicës, Sadat Pajaziti, është shprehur i zhgënjyer vetëm për një arsye.
“Jam i zhgënjyer vetëm për shkak se nuk arritëm t’i shpërblejmë tifozët tanë, të cilët na kanë përkrahur vazhdimisht”, ka thënë Pajaziti për Super Sport.
Ndërsa, sa i përket ndeshjes së sotme, ai tha:
“Te futbollistët u pa dëshira e madhe për kualifikim. Ata e dhanë maksimumin në fushën e lojës, krijuan raste, por nuk arritëm t’i konkretizojmë. Kjo ishte forca jonë. Edhe njëherë, më vjen keq që i zhgënjyem tifozët, sepse kam besuar që sivjet do ta sjellim Kupën në Skenderaj”.
- Advertisement -
