Gjenerali Wesley Clark në një shkrim autorial të botuar në Washington Post, tërheq vërejtjen se SHBA’të dhe Evropa ‘janë duke fjetur’ karshi problemeve nëpër të cilat po kalon Ballkani e të cilat mund të shpërthejnë sërish në këtë vend.
“Janë bërë më shumë se dy dekada që kur unë kam punuar me Richard Holbrroke dhe ekipin tonë për të negociuar fundin e luftës në Bosnjë. NATO më vonë do të ndalte edhe spastrimin etnik të Serbisë në Kosovë”, shkruan Clark, transmeton Periskopi.
“Sot, tri vende të Ballkanit Perëndimor (Kroacia, Shqipëria dhe Sllovenia) janë bërë anëtare të NATO’s. Kroacia dhe Sllovenia janë bërë anëtare të Bashkimit Evropian. Kosova tani është shtet i pavarur. Shumica e amerikanëve dhe evropianëve e kanë kuptuar se tani konflikti dhe brutaliteti si problem janë zgjidhur”, shkruan ai.
“Fatkeqësisht, kjo është larg nga e vërteta. Një përzierje e qeverive të varfra, stagnimit ekonomik, demokracisë së dobët nëpër institucione u ka dhënë shans një grupi të vogël që të rekrutojë xhihadistë të dhunshëm.
“Derisa Shtetet e Bashkuara dhe Evropa po flenë, fuqitë tjera po marrin shënime”, shkruan Clark.
Ai shkruan se Rusia, Kina dhe Turqia po e vëzhgojnë Ballkanin dhe po ndikojnë me politikat e tyre në këtë vend.
