Këshilltari i ish-kryeministrit Isa Mustafa, Besnik Berisha ka treguar se shteti i Turqisë kishte kërkuar mbylljen e shkollës ‘Mehmet Akif’ në kohën kur ekzekutivi drejtohej nga i pari i LDK’së. Kërkesa e tillë ishte refuzuar.
Avokati Besnik Berisha thotë se e kishte këshilluar Mustafën për mbylljen e disa xhamive dhe jo shkollave.
“Këshilla ime ka qenë se ne mbase kemi nevojë me mbyll xhamia të cilat mund të kenë ndonjë tendencë për fundamentalizëm e ekstremizëm. Por në asnjë variant nuk duhet dhe nuk jemi në pozicion që të mbyllim shkolla për qefin e askujt, kushdo qoftë ai derisa nuk thyhet ligji’, tha Berisha në emisionin ‘Pressing’ në T7.
Po për rastin e dëbimit të gylenistëve Berisha tha se duhet të nis hetimi nga AKI.
- Advertisement -
