Përfaqësues të UN-Habitat, në sallën e kuvendit komunal në Skenderaj prezantuan planin e punës të hartës zonale, gjatë prezantimit morën pjesë, Kryetari i Komunës së Skenderajt, Bekim Jashari, nënkryetari, Nuredin Lushtaku, Kryesuesja, Fatbardha Haliti, si dhe Drejorët Komunal.
Takimi u organizua nga “Programi për Zhvillim Gjithpërfshirës” implementuar nga UN-Habitat, PAX/CBM dhe financuar nga Agjencioni Suedez për Bashkëpunim Ndërkombëtar” (SIDA),
Ky aktivitetet është vazhdimësi e punës të përbashkët përmes Programit për Zhvillim Gjithëpërfshirës të UN-Habitat-it dhe komunës Skenderajt, ku gjatë fazës fillestare (vlerësimit bazë) janë vlerësuar kapacitetet komunale dhe ato të shoqërisë civile në fushën e planifikimit hapësinor si dhe janë identifikuar prioritetet kryesore të komunës.
Qëllimi i këtij takimi ishte njoftimi me programin e UN-Habitat-it, përkrahjen e cila do t’i ofrohet komunës së Skenderajt gjatë tri viteve të ardhshme si dhe kontributi që pritet nga të gjitha drejtoritë gjatë këtij bashkëpunimi të përbashkët.
