Kryetari i komunës së Mitrovicës, Agim Bahtiri, ka vizituar miliarderin shqiptar nga Maqedonia, Lazim Destani, me të cilin ka biseduam për investime në Mitrovicë.
I pari i Mitrovicës ka zgjedhur që mos të pres që investitorët të vijnë në zyrën e tij, por ka marrë mundin që ta vizitoj drejtuesin e kompanisë “Ecolog”, i cili thotë se ka premtuar investime në Mitrovicë.
Në këtë vizitë Bahtiri është shoqëruar edhe nga dy djemtë e tij që janë drejtues të kompanive të njohura, Valon dhe Kastrioti, si dhe nga ish karateisti Enver Idrizi.
Ja postimi i plotë i Agim Bahtirit në Facebook:
Kisha kënaqësinë të takohem me mikun tim Lazim Destani dhe njëkohësisht të vizitoj kompaninë ‘Ecolog’, e cila ka mbi 30 mijë punëtorë në vendet e ndryshme të botës.
Me Z. Destani biseduam për investimet që mund t’i bëjë kompania ‘Ecolog’ në Mitrovicë, ku ai shprehu gatishmërinë e plotë që të investoj dhe unë i garantova se si kryetar komune do të jem përkrahës i fuqishëm i tij.
U dakorduam që në takimin e ardhshëm të flasim për fusha konkrete ku do të realizohen investimet dhe se si do të bëhen e përkrahen teknikisht ato.
Z. Destani nuk njeh kufij, por i mbështet shqiptarët ku do që janë, duke iu prirë nismave ekonomike dhe humanitare.
Përveç çështjeve ekonomike, biseduam edhe për proceset politike ku Z. Destani i propozova që të merr iniciativën për bashkimin e gjithë krerëve politik shqiptar në Maqedoni dhe ai të jetë prijës i tyre.
