Sipas studimit të publikuar në revistën “Biomaterials”, studiuesit kanë zbuluar që substanca kimike “dimetilpolisiloksan” e cila i shtohet vajit gjatë përgatitjes së patateve të skuqura, ndihmon prodhimin e folikujve të flokëve.
Shkencëtarët kanë zbuluar që një substancë të cilën zinxhirët global të ushqimit të shpejtë ia shtojnë vajit gjatë përgatitjes së patateve të skuqura, stimulon rritjen e flokëve.
Sipas studimit të publikuar në revistën “Biomaterials”, studiuesit në Universitetin Kombëtar Yokohama të Japonisë, kanë zbuluar që substanca kimike “dimetilpolisiloksan” e cila i shtohet vajit gjatë përgatitjes së patateve të skuqura, ndihmon prodhimin e folikujve të flokëve.
Studiuesit, duke përdorur këtë substancë kimike, me një herë të vetme arritën të rrisin mijëra folikuj të flokëve e pastaj këto i vendosën në shpinat e minjve pa qime. Pas eksperimentit, në shpinat e minjve është vërejtur rritje e numrit të qimeve.
Prof. Junji Fukuda, udhëheqësi i ekipit studiues, në deklaratën e tij tha se me këtë metodë të thjeshtë me një herë të vetme janë prodhuar shumë folikuj të flokëve dhe shtoi se kjo metodë mund të përdoret sidomos në trajtimin e rënies së flokëve te meshkujt.
Aktualisht, në kushte laboratorike me një herë të vetme mund të prodhohen një numër i madh i folikujve.
Ndryshe, “dimetilpolisiloksan” përdoret për mos gurgullimin e vajit gjatë përgatitjes së patateve të skuqura.
