Levante e Enis Bardhit të shtunën përballet me Real Madridin. Do të jetë kjo ndeshja e parë që Bardhi do ta zhvillojë këtë edicion ndaj Real Madridit, duke pasur parasysh se kishte munguar në ndeshjen e parë të 9 shtatorit, kur Levante në “Santiago Bernabeu” kishte nxjerrë një barazim 1:1.
Bardhi në ndeshjen e nesërme pritet që të jetë titullarë, ndërsa kur përballë ke një skuadër gjigande dhe emra të mëdhenj si Ronaldo, Bejll, Benzema, Kros, pa dyshim se edhe motivi është shumë më i madh.
Një gjë të tillë dëshmon edhe seanca e sotme stërvitore e skuadrës së Levantes, ku Bardhi shihet duke ushtruar specialitetin e tij, goditjet nga gjuajtjet e lira.
Shkupjani ishte i jashtëzakonshëm, ndërsa nëse një gjë të tillë përsërit edhe ndaj Realit të Madridit, kuptohet nëse do i jepej mundësia nga një distancë e tillë, atëherë Kejlor Navas me të vërtetë nuk do ta ketë të lehtë.
