Deputeti nga radhët e Aleancës Kosova e Re, Labinot Tahiri ka zhvilluar sot një takim me kryeministrin e vendit, Ramush Haradinaj.
Tahiri ka vizituar Haradinajn në zyrën e tij përderisa kryeministri ka shprehur kënaqësi për bashkëbisedimin me të për temat aktuale në vend dhe preokupimet e qytetarëve, transmeton Indeksonline.
Haradinaj ka vlerësuar lartë angazhimin e Tahirit për zgjidhjen e temave të ndryshme nacionale.
Duhet përkujtuar që Tahiri ditë më parë është larguar nga Kryesia e Partisë së AKR-së, në nivel qendror.
Ky është postimi i plotë:
Kënaqësi të bashkëbisedoj me deputetin, Labinot Tahiri, për temat aktuale në vend dhe preokupimet e qytetarëve tanë.
E vlerësoj angazhimin e tij të sinqertë për t’u dhënë zgjidhje temave të interesit nacional, në të mirë të qytetarëve.
