Deputeti i Vetëvendosjes Arbër Rexhaj përmes rrjetit të tij social Facebook ka publikuar një foto me kryetarin e partisë Albin Kurti, raporton Gazeta Blic.
Rexhaj ka shkruar se kjo ‘trubullirë’ duke aluduar në përçarjen e VV-së, do të kaloj por ata që kanë besuar dhe të cilët besojnë tek ne të vazhdojnë me punë e përkushtim.
Sipas tij VV është e vetmja shpresë.
“Lëvizja VETËVENDOSJE! është dhe do të jetë subjekti më i madh në Kosovë. Me punë, përkushtim dhe dinjitet do të vazhdojmë për Republikën Tonë”, është shprehur ai.Postimi i plotë i Rexhajt: Aty ku duhet të jemi në Kuvendin e Kosovës. Aty ku qytetari na ka deleguar përfaqësimin! Kjo trubullirë do të kaloj por ata që kanë besuar dhe të cilët besojnë tek ne të vazhdojnë me punë e përkushtim.
Sepse e vetmja shpresë jemi ne. Nuk ka tjetër edhe poqëse do ndokush.
Lëvizja VETËVENDOSJE! është dhe do të jetë subjekti më i madh në Kosovë. Me punë, përkushtim dhe dinjitet do të vazhdojmë për Republikën Tonë.
