Arkitektja shqiptare, e zhvendosur në Londër që prej vitit 2010, vetëm pas katër vitesh të mbërritjes në ishullin britanik arriti të marrë besimin për një projekt ambicioz: rikonstruksioni i njërës prej godinave më të rëndësishme dhe historike në Londër.
Kjo është Dona Hasanaj, e cila pati kishte pas momente kur e mendoi dorëzimin dhe kthimin në Shqipëri por atë nuk e la të dorëzohet pasioni për arkitekturën dhe krenaria e të qenit shqiptare me një peshë të rëndë mbi supe në Londrën e madhe.
“Kanë qenë muaj shumë të lodhshëm dhe stresues, por emocioni që kam përjetuar në natën e sfilatës do të mbetet i paharrueshëm. Ai gëzim dhe ajo krenari më bëri që të harroj çdo moment tjetër, sepse në fund të fundit ne i dhamë jetë godinës”, deklaroi më tej Dona Hasanaj.
“Old Sessions House”, godina e ndërtuar në shekullin e XVIII dhe që për rreth 100 vite ka shërbyer si Gjykata e Anglisë, është projekti i parë i Dona Hasanaj, projekt të cilin e ka ndjekur nga afër që në fazën e projektimit e deri në zbatimin në kantier, për të kthyer në gjendjen origjinale godinën historike, shkruan Tch.
“Në maj të këtij viti, ‘Burberry’ shprehu interesin për ta lançuar sfilatën në ‘Old Sessions House’ gjatë javës së modës në Londër. Ishte një mundësi shumë e madhe, për vetë faktin që godina do t’i hapej publikut për të parë e prekur nga afër koleksionet e ‘Burberry’ ndër vite”, thotë Dona Hasanaj, arkitekte e “RIBA CR”, Londër.
