Presidenti i ri i Kosovës, Hashim Thaçi, pati njoftuar ndërtimin e stadiumit të ri. Në një koment në facebook, kishte paraqitur imazhin ilustrues të projektit të stadiumit, kreu i shtetit kishte deklaruar se puna do të nis tashmë që vendi ka mundësi të marrë pjesë në kompeticionet më të rëndësishme ndërkombëtare.
“Pas anëtarësimit në UEFA dhe FIFA, kombëtares së Kosovës i duhet një vend dinjitoz për zhvillimin e garave ndërkombëtare. Do të bëjmë çmos, që sa më parë të fillojë ndërtimi i stadiumit të ri në kryeqytet, me kapacitet prej 30 mijë ulëse, i prezantuar kohë më parë. Vetëm kështu, anëtarësimi në UEFA dhe FIFA merr kuptim”, pati shkruar Thaçi, përjell Drenicapress.
Ai pos tjerash pati thënë se ky stadium do të ndërtohet në Bërnicë të Prishtinës e jo afër Drenasit siq ishte folur.
Por me ndryshimin e qeverisë ndryshon edhe lokacioni i stadiumit.
Qeveria e Ramush Haradinajt sot ka marrë vendim që ky stadium të ndërtohet afër Drenasit dhe pritet që ndërtimi i tij të fillojë shumë shpejt./Drenicapress.info/
