Lyerja e flokëve? Jo më shumë se 6 herë në vit e mundësisht me produkte natyrale që reduktojnë rrezikun e dëmeve, përfshirë edhe tumorin.
Alarmin e ka vënë kirurgu Kefah Mokbel nga spitali i Londrës, që ka kryer kërkime shkencore nga të cilat rezulton që gratë që lyejnë flokët shpesh rrezikohen 14% më shumë nga kanceri i gjirit, shkruan “Daily Mail”.
Pra duhet reduktuar përdorimi i produkteve kozmetike për flokët, sidomos ato sintetike.
“Edhe pse duhet të thellohemi më shumë lidhur me këtë, rezultatet tona sugjerojnë se ekspozimi ndaj bojërave të flokëve mund të ndikojë në shfaqjen e kancerit të gjirit. Duhet të bëni përdorimin e ngjyrosësve natyralë dhe të kryeni kontrolle të rregullta”, këshillon eksperti.
- Advertisement -
