Policia e Shtetit ka dhënë detaje të reja lidhur me operacionin antidrogë të zhvilluar ditën e djeshme, ku është bërë e mundur sekuestrimi i një sase të madhe droge që po transportohej me gomone në drejtim të Italisë.
Operacioni në fjalë është zhvilluar nga Policia Kufitare Vlorë, Delta Force, Roja Bregdetare, GdF, D.V.P., Fier dhe Vlorës në vendin e quajtur “Kanali i Serës” pranë Hidrovorit të Hoxharës, një Velierë me emrin “Nano Nini”.
Blutë e Vlorës kanë bërë të mundur arrestimin e personave që drejtoin gomone, shqiptarin Veli Ymeraj, 35 vjeç, banues në Fier dhe italianin Ciovanni Palladino, 69 vjeç, banues në Itali.
Dy personat, në momentin që kanë parë që në dretjim të tyre po shkon policia, ata kanë hedhur drogën në det.
Gjatë kontrollit në mjetin lundrues janë gjetur mbetje të lëndës narkotike dy armë gjahu pa leje, dy aparate GPS dhe 1 palë dylbi.
Dy të arrestuarit, janë vënën nën akuzë për veprat penale “Trafikimi i lëndëve narkotike”, “Prodhimi dhe shitja e lëndëve narkotike” dhe “Mbajtja pa leje e armëve të gjahut”. /GazetaExpress/
