Të paktën 313.000 refugjatë myslimanë të etnisë rohingya kanë ikur nga Myanmari në dy javët e fundit dhe kanë kërkuar strehim në Bangladesh, ka thënë sot ISCG.
Të paktën 477.000 refugjatë të uritur dhe traumatizuar kanë kërkuar strehim në Bangladesh që nga tetori i vitit 2016, transmeton Express.
Eksodi e ka shtuar presionin ndaj agjencive dhe komuniteteve humanitare, të cilat veçse kanë qenë duke i ndihmuar qindra mijëra refugjatë nga ngjarjet e kaluara të dhunshme në Myanmar.
Ndërkohë sot, shefi i OKB-së për të drejtat e njeriut, Zeid Ra’ad al-Hussein, tha se operacionet e sigurisë ndaj myslimanëve të etnisë rohingya në Myanmar duken sikur libër shembull për spastrim etnik.
Al-Hussein i ka bërë thirrje qeverisë së Myanmar t’i japë fund operacionit të vet ushtarak e mizor ndaj myslimanëve. /Express/
- Advertisement -
