Në shkollën e fshatit Nekoc të Komunës së Drenasit, nen patronatin e Presidentit të Republikës së Kosovës, SHTZ Hashim Thaҫi, ku ishin pjesëmarrës, Kryetari i Komunës së Drenasit, Ramiz Lladrovci, këshilltari i Presidentit, Ismail Syla, familjarë e shumë qytetarë, i është dhënë dekorata “Hero të Kosovoës” tre dëshmorëve të këtij fshati.
Urdhri “Hero të Kosovës” i është dhënë Gani e Azem Kastrati dhe Hisni Murseli për veprat e trimërisë dhe sakrificën për Kosovën gjatë luftës së fundit të UҪK-së. Me këtë rast, kryetari Lladrovci vlerësoi lartë trimërinë e këtyre dëshmorëve ku tha se veprimtaria e tyre për lirinë e pavarësinë e vendit ishte e madhe, prandaj edhe ky urdhër ndaj tyre është meritor. Ndërsa ne emër të Presidentit të Republikës së Kosovës, SHTZ Hashim Thaҫi, këshilltari i tij, Ismail Syla tha se tre dëshmorët e fshatit Nekoc mbeten figurat me emblematike të kësaj ane për luftën e pastër të zhvilluar për lirin e vendit.
