Bekim Jashari, djali i Hamëz Jasharit do të kandidojë për kryetar të Komunës së Skenderajt. Lajmi është bërë publik në Facebook, nga dhëndri i Bekimit, Valon Loshaj dhe është shpërndarë nga anëtarë të tjerë të familjes.
Sipas njoftimit Jashari e ka marrë këtë vendim për zhvillimin e qytetit me kërkesë të qytetarëve, transmeton Indeksonline.
“Ditë të mira po e presin Komunën e Skenderajit, nën udhëheqjen e Bekim Hamëz Jasharit, i cili ka kapacitet intelektual, njerëzor dhe kombëtar’, thuhet në njoftim.
Shkrimi i plotë në Facebook:
Të dashur miq,
Kam kënaqësinë e veçant të ndaj lajmin e gëzueshëm me qytetarët e zemrës së shqiptarisë – Drenicës.
Pas kërkesës së drenicakëve për përfaqësim nga djali i Heroit Kombëtarë Hamëz Jashari, ju konfirmoj që Bekim Jashari tha PO.
-PO për Kryetar të Skenderajit,
-PO për drejtësi në Skenderaj,
-PO për zhvillim ekonomik në Skenderaj,
-PO për mirëqenie të qytetarëve,
-PO për zhvillimin e shëndetësisë,
-PO për zhvillimin e arsimit,
-PO për prosperitet të Skenderajit.
Ditë të mira po e presin Komunën e Skenderajit, nën udhëheqjen e Bekim Hamëz Jasharit, i cili ka kapacitet intelektual, njerëzor dhe kombëtar, andaj urime Drenicë, urime Skenderaj, faleminderit Bekim.
