Koalicioni PAN pritet t’i formoj institucionet brenda javës se ardhshme. Këtij koalicioni pritet t’i bashkohet edhe Aleanca Kosova e Re, e Behgjet Pacollit.
‘Indeksonline’, merr vesh se ditë më parë është zhvilluar një takim mes krerëve të këtij koalicioni ku është diskutuar për ndarjen e dikastereve qeveritare.
Sipas këtij burimi, partisë se Ramush Haradinajt, do t’i takojnë katër ministri.
Ministria e Infrastrukturës, Ministria e Forcës se Sigurisë se Kosovës, Ministria e Shëndetësisë dhe ajo e Kulturës pritet t’i drejtojnë përfaqësues nga Aleanca për Ardhmërinë e Kosovës.
E, për t’i drejtuar këto ministri, si emra të mundshëm merret vesh se janë, nënkryetari i AAK-së, Pal Lekaj, deputeti Rrustem Berisha, poashtu opsion janë edhe disa nga aderimet e fundit në zgjedhjet e 11 qershorit.
‘Indeksonline’, ka provuar të kontaktoj me zyrtar të AAK-së, për këtë çështje, por ata nuk kanë preferuar të flasin për këtë temë.
Një ditë më parë ‘Indeksonline’, ka raportuar për postet ministrore qe i takojnë minoriteve dhe ditëve ne vijim do të raportojmë për ministritë qe i takojnë partnereve tjerë në kuadër të koalicionit PAN./Indeksonline/
