Policia ka dhënë informacionin e parë zyrtarë në lidhje me aksidentin tragjik të ndodhur në autostradën Kavajë-Durrës.
Në vendngjarje kanë mbërritur shërbimet e policisë dhe ambulanca, ku nga verifikimet paraprake ka rezultuar se automjeti tip “Skoda”, me drejtues shtetasin K.R., është përplasur me pjesën e mbrapme të mjetit tip kamionçinë me drejtues shtetasin E.Z.
Si pasojë e përplasjes ka ndërruar jetë, drejtuesi i mjetit tip “Skoda”, shtetasi K.R., 21 vjeç.
Makina e tij ka pësuar dëmtime të mëdha, saqë pjesa e sipërme është këputur. Dëshmitarët në vendngjarje thonë se shoferi kishte dëmtime të mëdha në kokë, sa thuajse ishte shpërfytyruar.
Policai thotë se grupi hetimor vazhdon punën në vendngjarje për zbardhjen e shkakut dhe rrethanave të aksidentit.
/Express/
