Ermir Lenjani ka shkëlqyer në triumfin e lartë të Sionit, kundër skuadrës FC Granichen në kuadër të 1/32 së finales të Kupës së Zvicrës.
Skuadra e futbollistit të Kombëtares shqiptare luajti si mysafire dhe fitoi me rezultat 9-1.
Pas një harkimi në zonë, Lenjani reagoi më së miri për ta shënuar golin e pestë të ekipit të tij (34’).
Pas dhjetë minutash, lojtari nga Kosova ishte i përfshirë edhe në golin e gjashtë. Gjegjesisht, falë një harkimi të bukur nga ai, Robert Acquafresca shënoi me kokë (44’).
Vlen të theksohet se ish-futbollisti i Interit, Acquafresca, i shënoi katër gola në këtë ndeshje. /Telegrafi/
- Advertisement -
