Komuna e Drenasit dhe OJQ “Open data Kosovo (ODK)” nënshkruan memorandum bashkëpunimi,
Nënkryetari i Komunës së Drenasit, Gani Sylaj dhe Drejtoresha ekzekutive e OJQ “Open data Kosovo (ODK)”, Blinera Meta – Shala, kanë nënshkruar memorandum bashkëpunimi për zhvillimin e prototipave të softuerëve me qëllim të përmirësimit të qeverisjes lokale dhe proceseve të demokratizimit nga Komuna e Drenasit duke përdorur potencialin e teknologjive të reja, projekt ky i financuar nga Bashkimi Europian.
Qëllimi i këtij memorandumi bashkëpunimi është përcaktimi i fushave të bashkëveprimit në mes të dy palëve në kuadër të projektit Tech4Policy (“Youth-Designed Digital Solutions to Promote Democratic Engagement and Support Evidence-Based Policy-Making”) dhe projekteve të tjera që mund të zhvillohen ndërmjet ODK dhe Komunës së Drenasit, në të cilat ODK mbështetë me programe softuerike Komunën e Drenasit në kuadër të bashkëpunimit të dakorduar.
