Menaxheri i një kafiterie në Vushtrri nuk e kishte menduar se mund të shkrepte dikush armën drejt tij pa pasë ky asnjë faj.
Agon Ferizi që u plagos mbrëmë po thotë se incidenti ndodhi aksidentalisht. Mirëpo, ndryshe po mendojnë në familjen e tij të cilët Agonin e cilësojnë si një djalë të urtë e të sjellshëm.
Pronarët e lokalit në Vushtrri, ku punon Agoni, nuk deshën të flasin para kamerës, por thanë se me personin që shtiu nuk ka pasur ndonjë konflikt.
Zëdhënësi i Policisë për rajonin e Mitrovicës, Avni Zahiti, tha se për këtë rast kanë arrestuar një person dhe kanë konfiskuar një armë. /Klan Kosova/
