Mediat serbe raportojnë se Universiteti i Prishtinës, me seli në Mitrovicë i ka bërë thirrje kryeministres serbe, Ana Brnabiq në gjetjen e një zgjidhjeje reciprokisht të pranueshme dhe të kontribuojë në ruajtjen dhe mbijetesën e këtij Universiteti, si një nga shtyllat e popullit serb në Kosovë.
Në letrën e dërguar, kryetari i Këshillit Bozhidar Zarkoviq duke folur në emër të gjithë komunitetit akademik të Universitetit thotë se ndihen në ankth pasi Qeveria e Serbisë ka bërë ndryshime në personel dhe ndryshime organizative në Universitet, pa konsultim dhe pjesëmarrje të komunitetit akademike të Universiteti, transmeton Indeksonline.
Sipas tij, këto ndryshime janë në kundërshtim me Kushtetutën e Serbisë dhe se ligji shpall autonominë institucionale të Universitetit.
