Komuna e Drenasit, përkatësisht Drejtoria e Shërbimeve Publike dhe Emergjencë, që nga dita e enjte ka bërë hapjen e parkingut të ri i cili mundëson mbi 110 vende për qëndrimin e veturave.
Ky parking është i hapur nga ora 7 e mëngjesit deri në ora 11 të mbrëmjes.
E veçanta e këtij parkingu është çmimi simbolik, ku për vetëm një orë duhet paguar vetëm 20 cent!
Këtë gjë e kanë mirëpritur qytetarët e Drenasit, të cilët e kanë mirëpritur hapjen e këtrij parkingu, kurse çmimi për ta është i arsyeshëm.
Për Ilir Berishën çmimi është i lirë, “kur dihet se në qytetet tjera për vetëm dy orë duhet paguar 1 deri në 2 euro, por ka edhe parkingje tjera që tërë ditën mund të parkosh për vetëm një euro”.
Për kryetarin e Komunës së Drenasit, Ramiz Lladrovcin, me hapjen e këtij parkingu, do të lehtësohen rrugët ne qendër të qytetit, njëherit i benë thirrje gjithë qytetarëve që të shfrytëzojnë këtë parking dhe të mos parkojnë veturat e tyre ku është e ndaluar me Ligj, sepse rrezikojnë edhe konfiskimin e veturave nga ana e Policisë./Drenicapress.info/
