Sipas një hulumtimi të realizuar nga Organizata për Rritjen e Cilësisë në arsim, del që profesorët e UP-së nuk iu përmbahen detyrave dhe përgjegjësive të tyre në universitet, ndërsa nga 1177 ligjërata të monitoruara 218 nuk janë mbajtur.
Përveç kësaj profesorët në përqindje të madhe kanë munguar në terminet e caktuara për konsultime, ndërkohë që disa prej tyre kanë harruar të vijnë në datat e caktuara të provimeve.
Tutje kjo organizatë ka theksuar që përveç shumë parregullsive të tjera, profesorët kanë nisur ligjëratat dhe provimet me vonesë më shumë se 15 minuta.
Raporti “Dembelet e Hasan Prishtinës” ka treguar gjetjet e hulumtimin për mbarëvajtjen e ligjëratave, konsultimeve dhe provimeve në fakultetin Juridik, Ekonomik dhe Filozofik të UP-së.
ORCA ka thënë që këto gjetje do t’i adresoj në institucionet përkatëse.
