Dy persona nga Skënderaj janë arrestuar para rreth dy orëve, pasi u kapën me 10 kilogram drogë. Lajmin për gazetametro.net e kanë konfirmuar burime të gazetës brenda Policisë së Kosovës.
Të arrestuarit janë Sh Geci dhe Valon Malaj. Geci është nga Skënderaj, dhe deri sot ka punuar si polic hetues për krime të rënda në Policinë Rajonale të Mitrovicës. I arrestuari tjetër, Valon Malaj, është po ashtu nga Skënderaj, dhe punon si mjek në Skënderaj, e i njëjti kishte qenë bashkëpunëtor i Gecit.
Metro merr vesh se polici Shemsedin Gashi ka pasur lidhje të ngushta me policin rreshter, Nexhip Gashi, i cili është arrestuar para disa muajsh në kufirin me Shqipëri dhe iu kishin konfiskuar një sasi armatimi.
Dy të arrestuarit, së bashku edhe me të arrestuarin e mëhershëm Nexhip Gashi, kanë qenë pjesë e një rrjeti të organizuar të trafikimit me narkotik dhe armatim nga Shqipëria, që kalonte nëpër Kosovë, por destinacion kishte Serbinë.
