Prokuroria Themelore në Gjilan ka thënë se personi i cili vdiq të shtunën në Gjilan, teksa më parë ishte inçizuar i alivanosur përgjatë rrugës magjistrale Gjilan – Ferizaj, është shtetas i Maqedonisë.
Insajderi ka kontaktuar me prokurorin e rastit, Agron Ukën, i cili ka dhënë detaje për çështjen në fjalë. Uka bëri të ditur se shtetasi i Maqedonisë vuante nga një sëmundje kardiake.
Uka ka treguar se “viktima ishte shtetas i Maqedonisë, dhe ishte i moshuar, ai ishte duke u kthyer nga tretmani mjekësor të cilin kishte shkuar në mëngjes që ta merrte”
Rasti i 63-vjeçarit ishte inçizuar nga kamerat e një lokali pranë rrugës, teksa shihej i shtrirë në tokë – i alivanosur. E në video-inçizim dëshmohet se si asnjë kalimtar rasti nuk ishte ndalur ta ndihmonte të të ndjerin.
