Në Runik po vazhdojnë punimet me intensitet të shtuara në ndërtimin e rrugëve të lagjeve dhe në kanalizimin fekal të fshatit. Të dy projektet kanë rëndësi të veçantë për runikasit.
Duke qenë maksimalisht i përkushtuar për realizim të projekteve me standarde të larta, Nënkryetari i Komunës së Skenderajt Fadil Nura ka qëndruar në Runik.
Në Lagjen e Re ai ka kërkuar nga banorët bashkëpunim në inspektimin e përbashkët të punimeve në rrugët e lagjeve, duke i siguruar ata se organet kompetente do t’i marrin para sysh shqetësimet eventuale të banorëve.
Banorët e Lagjes së Re shprehën kënaqësinë për nisjen e punimeve dhe falenderuan Komunën e Skenderajt dhe Nura për interesimin e treguar.
Ndërsa po ashtu gjatë ditës Nura ka inspektuar edhe punimet në projektin e kanalizimit fekal të Runikut. Ai ka kërkua edhe këtu realizim të punimeve cilësore më qëllim të evitimit të problemeve që do të mund të paraqiteshin në të ardhmen.
Komuna e Skenderajt është duke bërë investime të shumta në tërë territorin e saj, në foukus të tyre është edhe Runiku si bashkësia më e madhe lokale e Skenderajt./DrenicaPress.info/
