Kanë filluar së realizuari dy projekte të rrjetit të ujësjellësit në fshatrat Morinë dhe Kuçicë të Skenderajt.
Projekti i shtrirjes së gypit kryesor furnizues për fshatin Morinë i nisur sot, finacohet nga organizata Islamic Relief Kosova dhe ka për qëllim shtrirjen e gypit kryesor të furnizimit të fshatit Morinë deri në rezervuarin kryesor të fshatit.
Ky projekt do të zgjidh problemin e furnizimit me ujë të këtij fshati pasi lidh rezervaurin kryesor të fshatit me rrjetin kryesor nga në të cilin shumë shpejt do të lidhet edhe fshati Kryshc.
Më rastin e fillimit të punimeve në këtë projekt në Morinë ka qëndruar Nënkryetari Fadi Nura i cili ka falenderuar përfaqësuesit e organizatës Islamic Relief Kosova dhe ka uruar banorët e Morinës për fillimin e projektit me kërkesën që të bashkëpunohet në realizimin e tij pa pengesa.
Nënkryetari Nura ka qëndruar edhe në fshatin Kuçicë ku ka filluar realizimi i projektit të ujësjellësit për këtë fshat. Z. Nura me këtë rast i ka takuar banorët e Kuçicës dhe udhëheqësit e fshatit. Ai i ka siguruar banorët se në Kuçicë brenda një kohe të shkurtër do të zgjidhet përfundimisht problemin e ujit të pijëshëm, pasi projekti ka dinamikë të shpejtë të realizimit. Z. Nura ka kërkuar bashkëpunim dhe mbikëqyrje të përbashkët të projektit nga banorët dhe institucionet kompetente komunale.
Ujësjellësi i Kuçicës ka gjatësi 8 kilometra ku përfshihet gypi kryesor furnizues nga Tërnaci dhe rrjeti brenda fshatit.
Në kuadër të investimeve në sigurimin e ujit të pijëshëm Komuna e Skenderajt ditën e shtunë do të lëshoj në përdorim të qytetarëve ujësjellësin e fshatit Polac, ndërsa ujësjellësi i fshatit Kryshec i financuar nga LUX Dev dhe Komuna e Skenderajt është në fazën e tenderimit. Investime në ujësjellës do të ketë edhe në fshatra të tjerë të Skenderajt të cilat janë përfshirë në projektin e shtrirjes së rrjetit në 12 fshatra, ndërsa projekti i rritjes së kapacitetit furnizues me ujë të pijëshëm të Skenderajt nga Mitrovica është në fazën e tenderimit.
Përfundimi i këtij projekti do të mundësojë furnizim me ujë të pijëshëm për të gjitha fshatrat e Skenderajt në të cilat është duke u investuar në shrirjen e rrjetit të ujësjellësit. /Drenica Press/
