Ditë të mira po vijnë për klubin nga Vushtrria, KF Vushtrria.
Kjo pasi në krye të këtij klubi është emëruar Naser Imer, pronar i kompanisë “Ariani”. Lajmin e ka bëtë të ditur vetë Imeri në lloGarinë e tij në Facebook.
Njoftimi i Naser Imerit:
Të dashur futbolldashës të qytetit të Vushtrrisë, �Nga sot ju njoftoi se kryetari i klubit futbollistik Vushtrria, do të jem unë Naser Imeri. Me anë të këtij postimi duhet të potencoj se jam krenar që jam përzgjedhur të jem kryetari i ekipit vushtrrias. Jam krenar që u zgjodha t’iu drejtoj, por dua të them se dua të jem krenar për punën, përkushtimin dhe sfidat që do të na presin në ditët, muajt dhe vitet në vazhdim. Dua që ekipi i qytetit të lashtë të Vushtrrisë t’i tregoj të gjithëve se nuk do të jenë inferiorë përballë asnjë skuadre, me punë së bashku do të arrijmë më të mirën që skanë mundur deri tani ta bëjnë. Pa mendjemadhësi por me shumë përulësi dua që të futemi në fushë dhe gjithmonë të tregojmë kualitetin që keni , kualitetin që e keni treguar shumë herë. Dua të theksoi gjithashtu se gjatë kohës sa unë qëndroj pranë jush, në skuadrën tonë nuk do të ketë as edhe një herë të vetme dallavere, mashtrime dhe nuk do të ketë as një manipulim sado i vogël të jetë ai. U drejtohem lojtarëve, që duke ndenjur të bashkuar do të formojmë një ekip nga më premtuesit në futbollin kosovar duke ju thënë të qëndroni të bashkuar, sepse kështu do të fitojmë çdo betejë. Faleminderit që më dhatë mundësinë të gjejë veten mes jush, dhe që jemi mbledhur për të mirën e përbashkët, zërin e klubit vushtrrias. Ju drejtohem të gjithë juve, lojtarë, shikues, dashamirëve të futbollit, qytetarë të Vushtrrisë, duke ju thënë të qëndrojmë të bashkuar për të mirën e këtij qyteti, të këtij ekipi!�Me respekt, Naser Imeri�Kryetari i klubit futbollistik Vushtrria! /Drenicapress/
