Presidenti i Turqisë, Recep Tayyip Erdoğan edhe sot ka vazhduar bisedimet telefonike të nisura ditën e djeshme me qëllim gjetjen e një zgjidhjeje për tensionet e përjetuara në lidhje me çështjen e Katarit në Gadishullin Arabik, raporton Anadolu Agency (AA).
Sipas informacioneve të marra nga burimet presidenciale mësohet se presidenti Erdoğan, në këtë kuadër ka zhvilluar biseda telefonike me presidentin francez Emmanuel Macron, presidentin indonizian Joko Widodo, Mbretin e Bahreinit Hamad bin İsa El Halife, Mbretin Abdullah II të Jordanisë, kryeministrin e Libanit Saad Hariri dhe kryeministrin e Malajzisë Nexhip Tun Abdurrezzak.
Në bisedime duke rikujtuar se çështjet e rajonit duhet të zgjidhen me dialog dhe diplomaci Erdoğan ka theksuar se Turqia është e gatshme të ofrojë çdo lloj kontributi për uljen e tensioneve.
Presidenti Erdoğan, edhe ditën e djeshme në lidhje me këtë çështje zhvilloi bisedime me Emirin e Katarit sheikun Temim bin Hamad El Sani, presidentin e Rusisë Vladimir Putin, me emirin e Kuvajtit sheikun Sabah El Ahmed El Sabah dhe mbretin e Arabisë Saudite Selman bin Abdulaziz El Suud.
