Kryetari i Partisë Demokratike të Kosovës dhe bartësi i listës zgjedhore të koalicionit PDK-AAK-Nisma, Kadri Veseli, ka thënë në një tubim në Podujevë se në Partinë Demokratike i ruajnë e çmojnë shumë flamujt e shqiptarëve, por sot më shumë se kurrë është i rëndësishëm zhvillimi ekonomik, prandaj Fillimi i Ri është i orientuar krejtësisht drejt zhvillimit, njofton Klan Kosova.
“Do ta ruajmë shumë flamurin tonë të shenjtë shqiptar, do ta ruajmë shumë edhe flamurin tonë shtetëror. Por, sot më shumë se gjithmonë kemi nevojë për zhvillim ekonomik. Fillimi i Ri është orientim i tërësishëm drejt zhvillimit ekonomik”, ka thënë Veseli.
“Një ndërmarrësi që ndalë importet dhe rritë eksportet, që aktivizon të rinjtë në punë. Fillimi i Ri është fuqizim i mjekëve tanë, i të rinjve tanë, që janë pasuria më e madhe e Kosovës”.
“Do të rrisim pagat për sektorin publik dhe pensionet për pensionistët e Kosovës. Kosova ka nevojë për vendimmarrje jo për përçarje”.
