Organizuar nga Drejtoria për Kulturë, Rini dhe Sport dhe Teatri i Fëmijëve “Kaçurrela” nga Skenderaj, më 5, 6 dhe 7 qershor 2017 mbahet Festivali i Teatrove të shkollave fillore dhe teatrove për fëmijë “Drenushat 2017”.
Festivali është aktivitet tradicional i DKRS-së në Skenderaj që mbahet çdo vit dhe sjellë për tri ditë rresht para publikut të Skenderajt shfaqje teatrale të fëmijëve të shkollave nga mbarë Kosova dhe shfaqje të teatrove për fëmijë.
Festivali mbahet në Qendrën e Kulturës “Hasan Prishtina” në Skenderaj me fillim nga ora 11:00. Në edicionin e dymbëdhjetë të këtij festivali pritet të shfaqen 16 shfaqje të ndryshme për fëmijë. Festivali ka karakter garues dhe juria profesionale do të vlerësojë shfaqjet e prezentuara.
Organizatorët e Festivalit e ftojnë publikun artdashës, në veçanti fëmijët që të jenë pjesë e kësaj ngjarje kulturore të rëndësishme
