Kadri Veseli i entuziazmuar ka folur në një tubim me simpatizantë të Partisë Demokratike të Kosovës në Lipjan dhe ka thënë se përgjigjja e vetëm e pyetjes së 11 qershorit ku kërkohet të dihet se kush do jetë udhëheqësi i ardhshëm i Kosovës është Fillimi i Ri, njofton Klan Kosova.
Veseli tha se entuziazmin e fitores po e ndjenë gjithandej nëpër Kosovë.
“Ngado që po shkoj po shoh entuziazëm të madh për fitoren tonë”, ka pohuar ai.
“Kemi nevojë për Fillim të Ri”.
“Kosova duhet ta zhvillojë ekonominë e vet, sepse duke qenë ekonomi e fuqishme edhe sovraniteti është më i madh, qytetarët janë më të lumtur dhe krenarë. Fillimi i Ri do të jetë një ndërmarrësi e fuqishme. Ne do mbështesim ndërmarrës që krijojnë vende pune dhe mirëqenie, sepse ata janë heronjtë e tanishëm të Kosovës”.
