Kandidati për kryeministër i koalicionit PDK-AAK-Nisma, Ramush Haradinaj ka thënë se nuk do të marrë pjesë në asnjë debat kundër Albin Kurtit e Avdullah Hotit, edhe pse fillimisht e kishte pranuar një debat në Klan Kosova, kundër dy kandidatëve të lartpërmendur për kryeministër.
Në Rubikon, Haradinaj pati një arsyetim të çuditshëm për mospjesëmarrje në debate.
Tha se Hotin e sheh si kandidaturë eksperimentale, e me Kurtin sipas tij nuk mund të bisedohet për ekzekutiv, shkruan Periskopi.
“Hoti është eksperiment si kandidataturë. Nuk e marr seriozisht, është vartës i Isa Mustafës. Me Albin Kurtin mundesh me bisedu me disa tema ideologjike, jo për ekzekutiv”, tha Haradinaj.
E pati edhe një arsyetim shtesë. Tha se as Hoti e as Kurti nuk janë kryetar partie.
“Kurti e as Hoti nuk janë kryetar partie. Vetëm qytetarit i kam borxh, jo partive”, tha Haradinaj.
