Njëra nga selitë e bankës ‘Raiffaisen’ në komunë të Shtimes është plaçkitur sot rreth orës 10:00.
Zëvendësdrejtori gjeneral i Policisë Rajonale, Basri Shabani ka konfirmuar rastin për Indeksonline duke theksuar se dy nga tre të dyshuarit e rastit ishin të armatosur.
“Rreth orës 10 të ditës së sotme ka ndodhur një plaçkitje në bankën ‘Raiffaisen’ në Shtime.
Dyshohet se tre persona të maskuar, dy prej tyre të armatosur kanë hyrë në bankë dhe kanë grabitur një sasi mjetesh, e cila ende nuk është konfirmuar nga zyrtarët e bankës se sa është dhe kanë ikur nga vendi i ngjarjes”, ka thënë Shabani.
Gjithashtu Shabani ka shtuar se Policia i është përgjigjur rastit dhe se janë në kërkim të të dyshuarve dhe marrjes së informacioneve lidhur me shumën e kapur nga personat e dyshuar./Indeksonline/
