Kryetari i Mitrovicës, Agim Bahtiri, ka uruar besimtarët myslimanë në Kosovë me rastin e fillimit të muajit të Ramazanit.
Ai ka shkruar në Facebook se duke pasur mirëkuptim, tolerancë ndërfetare e ndëretnike, mund të tejaklohën më lehtë vështirësitë.
Ky është shkrimi i plotë i Bahtirit:
Të dashur qytetarë,
Nesër fillon muaji i Madhërishëm i Ramazanit, prandaj më lejoni t’i uroj të gjithë besimtarët e Fesë Islame dhe Bashkësinë Islame të Mitrovicës.
Ramazani uroj që të jetë muaj i paqes, harmonisë, dashurisë dhe Allahu i plotfuqishëm t’ua plotësoj dëshirat tuaja, t’i begatoj sofrat tuaja dhe që të keni shëndet të mirë.
Jam i bindur se duke ndjekur rrugën e Zotit, duke qenë të bashkuar e duke pas mirëkuptim dhe tolerancë ndërfetare e ndëretnike, vështirësitë dhe sfidat që po na përcjellin, do t’i tejkalojmë më lehtë.
Uroj që gjithë agjëruesit të kenë agjërim të lehtë.
AB
