Komuna e Skenderajt pas përfundimit të kubëzimit të rrugës “Beqir Hajrizi” ka vazhduar investimet në Lagjen 2 në njëren nga rrugët e kësaj lagjeje, rrugë kjo që lidhet me rrugën “28 Nëntori”.
Për të parë nisjen e punimeve në këtë rrugë, në këtë pjesë të qytetit ka qëndruar Nënkryetari i Komunës së Skenderajt Fadil Nura. Z. Nura ka takuar një grup banorësh të cilët i ka uruar për fillimin e punimeve duke i siguruar ata se rruga do të punohet shpejtë dhe pa vonesa.
Banorët e falenderuan Komunën e Skenderajt dhe Nënkryetarin Nura për realizimin e kërkesës së tyre për ndërtimin e rrugës së tyre. Ata i kërkuan z. Nura që të ndihmojë në evitimin e disa problemeve me rrjetin dhe shtyllat elektrike.
Nënkryetari Fadil Nura ju premtoi banorëve se do të angazhohet personalisht që problemet e rrjetit elektrik t’ia adresoi KEDS-it, kompani që merret me furnizim me e energji elektrike, pasi Komuna e Skenderajt ka bashkëpunim shumë të mirë me të .
