Organizata Joqeveritare “Iniciativa Qytetare në Skenderaj” sot ka mbajtur një debat lidhur me ” Të rinjët në parandalimin e ekstremizmit të dhunshëm”.
Në këtë debat publik morën pjesë përfaqësues të komunës së Skenderaj, përfaqësues nga këshilli i Bashkësisë Islame në Skenderaj, nga Policia e Kosovës stacioni në Skenderaj, pjestarë nga shoqëria civile, përfaqësues të mediave dhe nxënës të shkollave të mesme nga Skenderaj, transmeton Drenica Press.
Panelist në këtë debat ishin: kryetari i Këshillit të Bashkësisë Islame në Skenderaj, z.Nexhmi Maksuti, shefi i Sektorit të Hetimeve të Policisë së Kosovës, z.Zenel Gjinovci, dhe drejtori për Kulturë, Rini dhe Sport në Skenderaj, z. Hajriz Koci.
Gjatë këtij debati nga gjithë panelistët u pohua se shkalla e shkuarjes së të rinjëve të Skenderajt në luftëra të shteteve të Lindjes për fat të mirë është në rënie, ndërsa si shkaktar të pjesmarrjeve të rinjëve, ata e lidhën anën financiare të tyre, por edhe pa njohurinë e mirë rreth fesë dhe qëllimin e luftërave që bëhen atje.
Ndërsa nxënësit e shkollave të mesme kërkuan që ligjerata e debate të tilla rreth fesë dhe ekstremizmit duhe të kemi më shpesh në shkollat tona në mënyrë që të jemi sa më të mirëinformuar./drenicapress.info/
