Giorgio Chiellini thotë se lojtarët e Juventusit nuk e kanë në mendje tripletën, por janë duke menduar vetëm për finalen e Kupës së Italisë.
Zonja e Vjetër mund ta fitojë trofeun e parë sezonal të mërkurën mbrëma nëse fiton kundër Lazios.
Bianconerët janë një fitore larg Scudettos së gjashtë radhazi, ndërsa luajnë edhe në finale të Ligës së Kampionëve kundër Real Madridit.
“Jemi me fat që ndodhemi këtu për të tretin vit radhazi… Kemi qenë të mirë dhe me fat në dy sezonet e kaluara dhe shpresojmë që ta fitojmë trofeun e parë të sezonit nesër”.
“Me respektin më të madh, tripleta është gjëja më e largët që e mendojmë, e vetmja gjë që kemi në mendje është të fitojmë nesër duke pasur parasysh vështirësitë me të cilat do të përballemi”, ka deklaruar Chiellini në konferencën me shtyp.
