Glauk Konjufca i Lëvizjes Vetëvendosje është shprehur i bindur se AKR-ja e Behgjet Pacollit do të bashkohet me këtë parti në një koalicion parazgjedhor.
“Kemi besim se deri në fund të afatit, që është ora 24, do të arrijmë marrëveshje me AKR-në”, ka thënë Konjufca për Klan Kosova.
Sipas tij, me AKR-në ata kanë folur për qeverisjen në nivel vendi dhe se VV-ja synon postin e kryeministrit, transmeton lajmi.net.
Në anën tjetër, zërat nga LDK-ja thonë se tashmë marrëveshja me ARK-në është përmbyllur dhe se sonte në shtëpinë e Pacollit në Hajvali do të nënshkruhet.
Sipas kësaj marrëveshje, AKR-ja do të kishte kryetarin e Parlamentit dhe Presidentin, nëse dalin koalicioni fitues më 11 qershor.
- Advertisement -
