Sonte në RTV Dukagjini është transmetuar emision Zona Express, ku është shfaqur pjesa e parë e dokumentarit “Një mendje e bukur”. Ky dokumentar i kushtohet Arbën Xhaferit, një prej shqiptarëve më të shquar të historisë sonë. Dokumentari është një profil politik dhe njerëzor për këtë mendje të ndritur.
Blerim Latifi, profesor i filozofisë politike në intervistën për Zona Express thotë se Arbën Xhaferi mund të krahasohet veç me Rilindësit e figura si Nolit dhe Konicës
“Ajo që mund të themi se mund ta gjejë një pikë krahasimtare me Arbën Xhaferin faktikisht janë figurat e kohës së Rilindjes Kombëtare Shqiptare, figurat e Nolit, Faik Konicës të cilët faktikisht kanë lëviz në të njëjtin dimension si Arbën Xhaferi që kanë qenë të angazhuar në politikë po në të njëjtën kohë nuk e kanë harruar asnjëherë atë vokacionin e intelektualit”, thotë Latifi.
Për më shumë shikoni videon:
