Një pikturë e realizuar nga diktatori gjerman Adolf Hitler do të ekspozohet për publikun deri më 16 nëntor në muzeun e Salos në Itali. Vepra e kuruar nga kritiku italian i artit Vittorio Sgarbi, është ofruar përkohësisht për muzeun nga një koleksionist gjerman.
Sipas Sgarbi-t, piktura e vogël e realizuar me bojra vaji, tregon dëshpërim dhe më shumë rreth gjendjes së tij psikologjike. Sgarbi shprehet se në të mund të vësh re mjerimin e Hitlerit në momentin kur e ka realizuar. Piktura e Hitlerit ka tërhequr vëmendjen e psikiatrit italian Paolo Crepet, i cili tha: “çmenduria e tij lidhet me qenien djallëzore që ishte. Korniza e vogël aestetike që ka përdorur, ka kuptim sepse zakonisht aestetika e çmendurisë i ndihmon njerëzit të harrojnë dhimbjen e çmendurisë”.
Ekspozita e titulluar “Muzeu i çmendurisë: Nga Goya tek Bacon”, shfaq 200 vepra që përfshijnë piktura, fotografi, skulptura dhe instalacione të ndryshme. Vepra e Hitlerit është vendosur përkrah asaj të diktatorit italian Mussolini.
