Rreth orës 17 e 20 dy persona shqiptarë të cilët kanë qenë duke shëtitur në Veri të Mitrovicës janë sulmuar fizikisht nga një grup i personave serbë.
Rastin për Indeksonline e ka konfirmuar zëdhënësi i Policisë së Mitrovicës së Veriut, Besim Hoti, i cili thotë se nuk është plagosje siç raportojnë mediat serbe, por një sulm fizik për të cilin po vazhdohen hetimet.
Sipas tij, nga ky sulm është lënduar një person, ndërsa personi tjetër shqiptar që ishte me të nuk raportohet se ka marr lëndime.
“Rreth orës 17 e 20 dy persona shqiptarë kanë qenë duke shëtitur në Veri dhe janë sulmuar nga një grup i personave, të cilët i përkasin etniteti serb. Si pasoj e kësaj, njëri nga shqiptarët ka pësuar lëndime trupore, ndërsa për personin e dytë nuk është raportuar se ka lëndime. Rasti është iniciuar si sulm fizik dhe ende nuk dihet se kush janë sulmuesi, mirëpo besohet se është një rast ndër-etnik”, ka thënë Hoti për Indeksonline.
Plagoset i riu shqiptar në veri të Mitrovicës
Një i ri shqiptar njoftohet të jetë plagosur sonte në qendër të Mitrovicës.
Kreu rajonal i Policisë në veri të Mitrovicës, Zhelko Bojiq ka thënë për Tanjug se incidenti ka ndodhur pak para orës 18:00, ku një person i moshës 25 vjeçare është plagosur, transmeton Indeksonline.
Sipas raportimit të medieve serbe plagosja erdhi si pasojë e një mosmarrëveshje në qendër të qytetit.
